మినీ మహాభారత యుద్దాన్ని తలపించిన పల్నాడు యుద్దం పౌరుషాల గడ్డపై ప్రాచీన సాంస్కృతిక వైభవాన్ని చాటుతోందని మాచర్ల శాసన సభ్యులు జూలకంటి బ్రహ్మానందరెడ్డి స్పష్టం చేశారు.
బుధవారం కారంపూడి వీరుల మహోత్సవంలో ముఖ్యఅతిథిలుగా ఎమ్మెల్యే జూలకంటి, ఆయన తనయుడు సాయి వివేకానందరెడ్డి హాజరయ్యారు. ముఖ్య అతిధిలుగా విచ్చేసిన వారికి తెలుగుదేశం పార్టీ శ్రేణులు పురవీధుల్లో బ్రహ్మరథం పట్టాయి.
స్థానిక అంకాలమ్మ దేవాలయం వద్ద గజమాలతో ఘన స్వాగతం పలికి, ద్విచక్ర వాహన ర్యాలీ తీశారు. అనంతరం శ్రీ వీర్ల అంకమ్మ తల్లి ఆలయం, శ్రీ చెన్నకేశవ స్వామి ఆలయాల్లో ప్రత్యేక పూజలు నిర్వహించారు. అనంతరం కారంపూడి రైతు సంఘం ఆధ్వర్యంలో ఏర్పాటు చేసిన రెండు తెలుగు రాష్ట్రాల స్థాయి ఎడ్ల పందేలను ఆయన ప్రారంభించారు.
ఈ సందర్భంగా ఆర్ అండ్ బి గెస్ట్ హౌస్ లో ఏర్పాటుచేసిన మీడియా సమావేశంలో ఆయన మాట్లాడారు. మహనీయులు నడియాడిన నేల పలనాడు అని, ఈ గడ్డ పౌరుషాలకే కాదు.. త్యాగాలకు, ఆధ్యాత్మిక కేంద్రాలకు నెలవు అని కొనియాడారు. మాచర్ల నియోజకవర్గం అభివృద్ధికి ముఖ్యమంత్రి చంద్రబాబు, ఉప ముఖ్యమంత్రి పవన్ కళ్యాణ్, మంత్రి లోకేష్, ఎంపీ లావు శ్రీకృష్ణదేవరాయలు కట్టుబడి ఉన్నారని.., పెద్ద ఎత్తున నిధులు కేటాయింపులు జరిపి,అభివృద్ధికి బాటలు వేస్తున్నారని గుర్తు చేశారు.
వీరుల మహోత్సవానికి ప్రపంచవ్యాప్తంగా తరలివస్తున్న వీరాచారవంతులు, ప్రజలకు ఎటువంటి అసౌకర్యం కలగకుండా అధికారులు పర్యవేక్షించాలి ఎమ్మెల్యే జూలకంటి ఆదేశించారు.
అనంతరం పౌరుషాలకు ప్రతీకగా నిలిచిన వీరుల ఆలయాన్ని సందర్శించారు. అక్కడున్న ఆయుధ సంపత్తి జూలకంటి, ఆయన తనయుడు సాయి వివేకానందరెడ్డి పరిశీలించారు. ఆలయంలో పూజలు అందుకుంటున్న పల్నాటి యుద్ధం సమయంలో వాడిన ఆయుధాలకు ప్రత్యేక పూజలు నిర్వహించి, చేత పట్టుకొని అలనాటి పౌరుషాలను గుర్తు చేసుకున్నారు.
ఈ కార్యక్రమంలో మాచర్ల నియోజకవర్గ స్థాయి కూటమి నాయకులు, కార్యకర్తలు పాల్గొన్నారు.