కారంపూడి వీరుల మహోత్సవాన్ని జిల్లా ఉత్సవంగా జరిపించాలని సీఎం చంద్రబాబు నాయుడు ఆదేశించారని, అధికారులు, కూటమి పార్టీల నేతలు తిరునాళ్లను అద్బుతంగా నిర్వహించి జయప్రదం చేయాలని ఎమ్మెల్యే జూలకంటి బ్రహ్మానందరెడ్డి కోరారు. రెంటచింతల మండలం సత్రశాల శివాలయంలో కారంపూడి వీర్ల మహోత్సవానికి సంబంధించిన గోడప్రతులను ఎమ్మెల్యే అవిష్కరించారు. అనంతరం ఆయన మాట్లాడుతూ .. వీర్ల మహోత్సవానికి దేశ వ్యాప్తంగా వీరాచారవంతులు తరలివస్తారని, వారికి ఎటువంటి అసౌకర్యం కలగకుండా ఏర్పాట్లును పర్యవేక్షించాలని అధికారులు ఆయన ఆదేశించారు. ఈ కార్యక్రమంలో పల్నాటి వీరాచార పీఠాధిపతి తరుణ్ చెన్నకేశవ్, సీఐ శ్రీనివాసరావు, టీడీపీ రాష్ట్ర కార్యదర్శి పంగులూరి అంజయ్య, రాష్ట్ర వాణిజ్య విభాగం కార్యదర్శి పంగులూరి పుల్లయ్య, గ్రామస్తులు తదితరులు పాల్గొన్నారు.