కూటమి ప్రభుత్వ హయంలో విద్యాశాఖ మంత్రి నారా లోకేష్ నేతృత్వంలో విద్యకు పెద్దపీట వేస్తున్నామని ప్రభుత్వ చీఫ్ విప్, వినుకొండ శాసన సభ్యులు జీవి ఆంజనేయులు వెల్లడించారు. మంగళవారం వినుకొండ పట్టణంలోని ఎన్ఎస్పీ కాలనీ నందున్న బాలికల పాఠశాలలో నూతనంగా నిర్మించిన రూ. 1 కోటి 20 లక్షల అదనపు గదులను జీవి, ఆయన సతీమణి లీలావతి ప్రారంభించారు. ఈ సందర్భంగా వారు మాట్లాడుతూ.. విద్యార్థినులకు మెరుగైన వసతులు కల్పించడంలో భాగంగా ఈ అదనపు గదులను నిర్మించడం జరిగిందన్నారు. విద్యారంగానికి కూటమి ప్రభుత్వం అందిస్తున్న ప్రాధాన్యత గురించి వివరించారు. ఈ కార్యక్రమంలో కూటమి పార్టీల నాయకులు, కార్యకర్తలు, పాఠశాల ఉపాధ్యాయులు, తదితరులు పాల్గొన్నారు.