తెలుగుదేశం పార్టీలో కష్టించిన ప్రతి కార్యకర్తకు పదవులు వరిస్తాయని ఎస్సీ కమిషన్ మెంబర్ గా నూతనంగా ఎంపికాబడిన మేకల భిక్షం అలియాస్ దాస్ ఉద్ఘాటించారు.
మాచర్ల పట్టణం, మానుకొండ కళ్యాణ మండపంలో జరిగిన నియోజకవర్గ తెలుగుదేశం పార్టీ క్లస్టర్, యూనిట్, బూత్ ఇంచార్జ్, మండల, గ్రామ కమిటీల ప్రమాణస్వీకారోత్సవంలో ఆయన పాల్గొని మాట్లాడారు. ముఖ్యమంత్రి నారా చంద్రబాబు, ఐటీ శాఖ మంత్రి నారా లోకేష్, మాచర్ల శాసన సభ్యుల జూలకంటి బ్రహ్మానందరెడ్డి ఆశీస్సులతో తాను ఈ స్ధాయికి చేరుకున్నానని దాస్ వివరించారు.
కోటి మందిలో ఏ ఒక్కరికి దక్కిన పదవీ ఓ సామాన్య కార్యకర్తగా ఉన్న నాకు దక్కడం ఎంతో గర్వంగా ఉందని.., వెన్నుదన్నుగా నిలబడి, నన్ను ఎంతగానో ప్రోత్సహించి, చేయూతనిచ్చిన ఎమ్మెల్యే జూలకంటికి జీవితాంత రుణపడి ఉంటానని హర్షం వ్యక్తం చేశారు.