పల్నాడులో ఫ్యాక్షన్ క్షేత్రస్థాయిలో రూపుమాపితేనే ఇక్కడ పారిశ్రామీకరణ జరుగుతుందని మాచర్ల ఎమ్మెల్యే జూలకంటి బ్రహ్మానందరెడ్డి ఉపోద్ఘాటించారు.
మంగళవారం దుర్గి మండలం ధర్మవరంలో వైభవోపేతంగా జరుగుతున్న శ్రీ హరిహర బాల నాగేంద్ర స్వామి వారి తిరుణాళ్ల మహోత్సవంలో ఎమ్మెల్యే చూడకండి ముఖ్యఅతిథిగా పాల్గొని, స్వామివారికి ప్రత్యేక పూజలు నిర్వహించారు. అనంతరం ఆలయ ప్రాంగణంలో ఏర్పాటు చేసిన రాష్ట్రస్థాయి ఎడ్ల బండలాగు బలప్రదర్శన కార్యక్రమాన్ని ఆయన ప్రారంభించారు. ఈ సందర్భంగా ఆయన మాట్లాడుతూ.. గ్రామాల్లో ప్రశాంత వాతావరణ నెలకొల్పిన నాడే అభివృద్ధి సాధ్యపడుతుందని పేర్కొన్నారు. అభివృద్ధితోనే ప్రాంతాల్లో నెలకొన్న ఫ్యాక్షన్, రౌడీయిజం, రౌడీయిజం,నక్సలిజం జాడ్యాలను పారదోలవచ్చునని ఆయన వివరించారు. ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్, మంత్రి లోకేష్ అనునిత్యం మాచర్ల నియోజకవర్గ అభివృద్ధిని కోరుకుంటూ.., పెద్ద ఎత్తున నిధులు కేటాయిస్తున్నారని వెల్లడించారు. రానున్న రోజుల్లో తాగు, సాగు నీటి ప్రాజెక్టులకు అధిక నిధులు కేటాయించి, అనాదిగా మాచర్ల నియోజకవర్గంలో నెలకొన్న సమస్యలను శాశ్వతంగా తొలగిస్తారని చెప్పుకొచ్చారు.
ఈ కార్యక్రమంలో ఎస్సీ కమిషన్ మెంబర్ మేకల భిక్షం, మండల పార్టీ అధ్యక్షులు జానకిరామయ్య, మాచర్ల మార్కెట్ యార్డు ఉపాధ్యక్షులు గుండాల శ్రీనివాస్ యాదవ్, జనసేన ఉమ్మడి గుంటూరు జిల్లా అధ్యక్షులు పులి హరి, టిడిపి యువ నాయకులు జూలకంటి అక్కిరెడ్డి, పల్లె బుజ్జి, రాజానగరం సర్పంచ్ జక్కా రమేష్, దిగుమర్తి సుబ్బారావు, నారయ్య తదితరులు పాల్గొన్నారు.