పలనాట అత్యంత వైభవోపేతంగా జరిగే చారిత్రాత్మక ఉత్సవాల్లో ఒకటైన కారంపూడి వీరల మహోత్సవాలను విజయవంత చేయాలని మాచర్ల శాసన సభ్యులు జూలకంటి బ్రహ్మానందరెడ్డి మంగళవారం కోరారు. ఐదురోజుల ఉత్సవాల్లో రెండు తెలుగు రాష్ట్రాలతో పాటు జాతీయ, అంతర్జాతీయ స్ధాయిలో పర్యటకులు, వీరాచారవంతులు పెద్ద సంఖ్యలో పాల్గొని, సనాతన సంస్కృతి ఉట్టిపడేలా ఉత్సవాలు నిర్వహిస్తారని వివరించారు. అలానే స్ధానిక రైతు సంఘం ఆధ్వర్యంలో రెండు తెలుగు రాష్ట్రాల స్ధాయి ఎడ్లు బండలాగు బల ప్రదర్శన పోటీలు నిర్వహిస్తున్నారని, ఈ కార్యక్రమంలో పల్నాడు ప్రాంతంలోని అన్నీ వర్గాల ప్రజలు, అధికారులు, కూటమి పార్టీల పెద్దలు, కార్యకర్తలు పెద్ద సంఖ్యలో పాల్గొని, విజయవంతం చేయాలని కోరారు.
ఉత్సవాలకు విచ్చేసే వారికి ఎటువంటి అసౌకర్యాలు కలగకుండా అన్నీ శాఖల అధికారులతో పాటు కూటమి పార్టీ నేతలు, కార్యకర్తలు సహకరించాలని ఆయన విన్నవించారు.