వ్యవసాయంలో యాజమాన్య పద్దతులు మారాలని టీడీపీ యువ నాయకులు, రాష్ట్ర తెలుగుయువత ఆర్గనైజింగ్ సెక్రటరీ కుర్రి శివారెడ్డి సూచించారు. రైతులను అన్నీవిధాలుగా ఆదుకునేందుకు వినూత్న రీతిలో పథకాలను కూటమి ప్రభుత్వం తీసుకొస్తుందని స్పష్టం చేశారు. వెల్తుర్తి మండలం, శిరిగిరిపాడు గ్రామంలో రైతన్నా మీ కోసం పథకం అమలు కార్యక్రమంలో పాల్గొన్న ఆయన.. రైతుల సంక్షేమానికి ముఖ్యమంత్రి చంద్రబాబు పెద్దఎత్తున నిధులు కేటాయించి, ఆదుకుంటున్నారని వివరించారు. సాగునీటి ప్రాజెక్ట్ అనుసంధానంతో రాయలసీమ ప్రాంతం ప్రజలను ఆదుకున్న ఘనత చంద్రబాబుకే దక్కుతోందన్నారు. వరికపూడిశెల నిర్మాణాలకు ప్రభుత్వం పూర్తిగా సహకరిస్తోందని చెప్పారు.