తానొక సామాన్య కార్యకర్తగా టీడీపీ జర్నీ ప్రారంభించానని ఏపీ స్టేట్ వడ్డెర కార్పోరేషన్ డైరెక్టర్ కొమెర దుర్గారావు వెల్లడించారు. మాచర్ల పట్టణంలో మానుకొండ కళ్యాణ మండపంలో నియోజకవర్గ పరిధిలోని తెలుగుదేశం పార్టీ క్లస్టర్, యూనిట్, బూత్ ఇంచార్జ్, మండల, గ్రామ కమిటీల ప్రమాణస్వీకారోత్సవం ఎంతో ఘనంగా జరిగింది.
ఈ కార్యక్రమంలో ఆయన మాట్లాడుతూ.., టీడీపీలో బూత్ లెవల్ నుంచి ప్రారంభమైన తన సుదీర్ఘ రాజకీయ ప్రస్థానం స్టేట్ లెవల్ కమిటీలో నాకు స్థానం దక్కిందని దుర్గారావు చెప్పుకొచ్చారు. పార్టీ కష్టకాలంలోనూ, గెలుపుకోసం అహర్నిశలు పోరాడి నిలిచాను కాబట్టే తను ఈ స్ధాయికి వచ్చాను అన్నారు. ఈ స్థానంలో నిలబెట్టిన పార్టీకి, ఎమ్మెల్యే బ్రహ్మానందరెడ్డికి సదా రుణపడి ఉంటానని ఈ సందర్భంగా వివరించారు.