ప్రజా సమస్యలపై అధికారులు స్పందించకుంటే, స్పందించని అధికారులపై చర్యలు తప్పవని పెదకూరపాడు ఎమ్మెల్యే భాష్యం ప్రవీణ్ స్పష్టం చేశారు.
శనివారం అమరావతి మండల కేంద్రంలో నిర్వహించిన ప్రజా దర్బార్ కార్యక్రమంలో ఎమ్మెల్యే పాల్గొని, ప్రజల నుంచి వినతులు స్వీకరించారు. ప్రతి ఒక్కరిని కలిసి సమస్యలు విని, తక్షణమే పరిష్కరించేలా అధికారులను ఆదేశించారు. ఈ కార్యక్రమంలో అన్ని మండల పార్టీ అధ్యక్షులు, నియోజకవర్గ అధికారులు, ముఖ్య నాయకులు తదితరులు పాల్గొన్నారు.