కార్యకర్తల త్యాగాలతో పునాదులు వేసుకున్న పార్టీ తెలుగుదేశం పార్టీ అని మాచర్ల శాసనసభ్యులు జూలకంటి బ్రహ్మానందరెడ్డి ఉద్ఘాటించారు.
బుధవారం మానుకొండ కళ్యాణమండపంలో నియోజకవర్గ టీడీపీ క్లస్టర్, యూనిట్, బూత్ ఇన్చార్జ్ లు, మండల, గ్రామ పార్టీల కమిటీ సభ్యులతో ఘనంగా ప్రమాణ స్వీకారోత్సవాలు జరిగాయి. ఈ కార్యక్రమానికి ముఖ్యఅతిథిగా విచ్చేసిన ఎమ్మెల్యే జూలకంటి..
పురవీధుల్లో భారీ ర్యాలీ నిర్వహించి, పార్టీ జెండాను ఆవిష్కరించారు. పార్టీ కోసం నాలుగు దశాబ్దాలుగా కష్టపడి సీనియర్ కార్యకర్తలను వేదికపై ఘనంగా సన్మానించారు.అనంతరం కమిటీ సభ్యులతో పదవీ బాధ్యత ప్రమాణ స్వీకారం చేయించారు.
అనంతరం కార్యక్రమాన్ని ఉద్దేశించి ఆయన మాట్లాడుతూ.. సంస్కరణలతో మూర్తీభవించిన మహనీయులు అన్న ఎన్టీఆర్ అని కొనియాడారు. మహిళలకు అధిక ప్రాధాన్యత ఇస్తూ…, సమాన హక్కులు రిజర్వేషన్లు కల్పించిన సంఘసంస్కర్త నందమూరి తారక రామారావు అని గుర్తు చేశారు.
పార్టీ కోసం అహర్నిశలు కష్టపడుతున్న కార్యకర్తలు, నాయకులు యొక్క త్యాగాలను పార్టీ ఎప్పుడూ మరవదని.., పార్టీ అధినేత చంద్రబాబు, జాతీయ ప్రధాన కార్యదర్శి నారా లోకేష్ సారథ్యంలో అందరికీ సముచిత స్థానం కల్పిస్తుందని స్పష్టం చేశారు.
రాష్ట్ర ఉజ్వల భవిష్యత్తు కోసం కొవ్వొత్తి మాదిరిగా చంద్రబాబు నాయుడు కరిగిపోతున్నారని, భవిష్యత్తు తరాలకు ఆయన ఒక రోల్ మోడల్ అని చెప్పారు. ముఖ్యమంత్రి చంద్రబాబు విజన్ నుంచి రాజధాని, పోలవరం, రాష్ట్రానికి పెట్టుబడుల వరద వంటివి పుట్టుకొచ్చాయని, యువత ఉద్యోగ, ఉపాధి అవకాశాలే లక్ష్యంగా కూటమి ప్రభుత్వం పని చేస్తుందన్నారు. ఈ కార్యక్రమంలో నియోజకవర్గ స్థాయి తెలుగుదేశం పార్టీ నాయకులు, కార్యకర్తలు పాల్గొన్నారు.