త్యాగాల కొలిమిలో ఎగిసే నిప్పురవ్వలు టీడీపీ కార్యకర్తలని ప్రభుత్వ చీఫ్ విఫ్, వినుకొండ ఎమ్మెల్యే జీవీ ఆంజనేయులు పునరుద్ఘాటించారు. వినుకొండ పట్టణంలోని గంగినేని కళ్యాణ మండపంలో నియోజకవర్గ పట్టణ, మండల, క్లస్టర్, యూనిట్, గ్రామ, బూత్ స్థాయిల నూతన కమిటీల సభ్యుల ప్రమాణ స్వీకారోత్సవం ఎంతో ఘనంగా జరిగింది. ఈ కార్యక్రమానికి ముఖ్య అతిథులుగా జీవీ , టి.డి.పి. పొలిట్ బ్యూరో సభ్యులు వర్ల రామయ్య హాజరై సభ్యులతో ప్రమాణస్వీకారం చేయించారు.
ఈ సందర్భంగా వారు మాట్లాడుతూ.. పార్టీ బలోపేతానికి కమిల సభ్యులు సమిష్టిగా పనిచేయాలని కోరారు. ఈ కార్యక్రమంలో డీసీసీబీ చైర్మన్ మక్కెన మల్లికార్జున రావు, పరిశీలకులు మానుకొండ శివప్రసాద్, నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.