“ ధీరుల సౌరుషాలతో నిండిన పుడమి పల్నాడు..!
నవ్య సమాజ స్థాపనే చాపకూడు సిద్దాంతం..!
పాఠ్యాంశాల్లో పల్నాడు చరిత్ర పుటాలు ప్రస్పుటించాలి..!
సాంప్రదాయంగా సమనత్వం చాటేలా చాపకూడా ఘట్టం..!
ప్రభుత్వ చీఫ్ విప్ జీవీ, ఎమ్మెల్యేలు చదలవాడ, జూలకంటి “
ధీరుల సౌరుషాలతో నిండిన పుడమి పల్నాడు అని ప్రభుత్వ చీఫ్ విప్, వినుకొండ శాసన సభ్యులు జీవి ఆంజనేయులు ఉద్ఘాటించారు. శుక్రవారం వీరుల మహోత్సవాలను పురస్కరించుకొని మూడవరోజు వీరుల దేవాలయం ప్రాంగణంలో నిర్వహించిన చాపకూడు కార్యక్రమానికి జీవి, నరసరావుపేట ఎమ్మెల్యే చదలవాడ అరవింద బాబు, జిల్లా కలెక్టర్ కృత్తికా శుక్ల, జిల్లా ఎస్పీ కృష్ణారావులు ముఖ్య అతిథులుగా హాజరయ్యారు.
వీరిని మాచర్ల శాసన సభ్యులు జూలకంటి బ్రహ్మానందరెడ్డి సాదరంగా ఆహ్వానించారు. వీరుల ఆలయంలో ఆనాడు పల్నాటి యుద్ధం వైభవాన్ని ప్రతిబింబించే ఆయుధ సంపదను చూపించి, దగ్గరుండి ప్రత్యేక పూజలు చేయించారు. అనంతరం ఆలయ ప్రాంగణంలో కులాలకు, మతాలకు, వర్గ వైష్యమ్యాలకు అతీతంగా పల్నాటి బ్రహ్మనాయుడు ప్రవేేశపెట్టిన శతాబ్దాల నాటి సాంప్రదాయ సిద్ధాంతమైన చాపకూడు కార్యక్రమంలో పాల్గొన్నారు. ఈ కార్యక్రమంలో పాల్గొన్న ముఖ్య అతిథులు అందరితో కలిసి సహపంక్తి భోజనాలు చేశారు.
ఈ సందర్భంగా ప్రభుత్వ విప్ జీవి మాట్లాడుతూ.. ఆధునిక సామాజిక దృక్పథం ఉన్న మహోన్నతమైన వ్యక్తి అలనాటి పలనాటి మంత్రి బ్రహ్మనాయుడు అని కొనియాడారు. చాపకూడు సిద్ధాంతంతో సమానత్వాన్ని చాటి , భావి సమాజానికి ఆదర్శంగా నిలిచారన్నారు. అదే సాంప్రదాయాన్ని స్థానిక ఎమ్మెల్యే బ్రహ్మానందరెడ్డి ఆచరిస్తున్నారు కాబట్టే.., మాచర్ల నియోజకవర్గం ఒక ప్రశాంతమైన వాతావరణంలో పయనిస్తుందని చెప్పారు. అమరావతి, పోలవరం అభివృద్ధికి ముఖ్యమంత్రి చంద్రబాబు అహర్నిశలు పాటుపడుతున్నారని.., నదులు అనుసంధానంతో రాష్ట్రం ప్రగతి పథంలో పరుగులు పెడుతుందని జోష్యం చెప్పారు.
నవ్య సమాజ స్థాపన చాపకూడు సిద్ధాంతం – ఎమ్మెల్యే చదలవాడ
నవ్య సమాజ స్థాపన కోసం ఆనాడు పల్నాటి మంత్రి బ్రహ్మనాయుడు చాపకూడు సిద్ధాంతాన్ని సమాజానికి పరిచయం చేశారని నరసరావుపేట ఎమ్మెల్యే చదలవాడ అరవింద్ బాబు ఉద్ఘాటించారు. కుల, మతాల మధ్య ఏర్పాటు చేసుకున్న గోడలను సమానత్వమననే ఆయుధంతో బద్దలుకొట్టి నవ్య సమాజ స్థాపనకు చాపకూడు సిద్ధాంతాన్ని ప్రవేశపెట్టారన్నారు. పలనాడుకు పునర్వైభవం తీసుకొచ్చేందుకు కూటమి ప్రభుత్వం, ముఖ్యమంత్రి చంద్రబాబు నాయుడు కృషి చేస్తున్నారని ఆయన చెప్పారు.
పాఠ్యపుస్తకాల్లో పలనాడు చరిత్ర ప్రస్ఫుటించాలి – ఎమ్మెల్యే జూలకంటి
11వ శతాబ్దం నాటి పల్నాటి చరిత్ర భావితరాలకు గుర్తుండేలా
విద్యార్థుల పాఠ్యపుస్తకాల్లో పల్నాడు చరిత్ర ప్రస్ఫుటించేలా కూటమి ప్రభుత్వం కృషి చేయాలని మాచర్ల శాసన సభ్యులు జూలకంటి బ్రహ్మానందరెడ్డి అభ్యర్థించారు. మాచర్ల నియోజకవర్గం అభివృద్ధికి ముఖ్యమంత్రి చంద్రబాబు పెద్ద ఎత్తున నిధులు కేటాయిస్తున్నారని చెప్పుకొచ్చారు. తాగు, సాగు నీటి ప్రాజెక్టులకు వేలకోట్లు వెచ్చించి, పల్నాడు ప్రాంతాన్ని ఆర్థిక ప్రగతి వైపు నడిపించేందుకు కూటమి ప్రభుత్వం బాటలు వేస్తుందని ధీమా వ్యక్తం చేశారు. ఏడు దశాబ్దాల కల వరికపూడిశెల ప్రాజెక్టు పూర్తి చేసి, లక్ష ఎకరాలకు పైగా సాగునీరు అందించే దిశగా ముఖ్యమంత్రి చంద్రబాబు ప్రణాళికలు సిద్దం చేస్తున్నారని వివరించారు. ఈ బృహత్తర ప్రాజెక్టుకు త్వరలోనే శంకుస్థాపన జరుగుతుందని ఆయన చెప్పారు. అలానే జల్ జీవన్ మిషన్, మాచర్ల పట్టణం అమలు చేయనున్న అమృత్ స్కీంకు త్వరలోనే వాటికి శంకుస్థాపనలు జరుగుతాయని వెల్లడించారు.
ఈ కార్యక్రమంలో నియోజకవర్గ స్థాయి కూటమి పార్టీల నాయకులు, కార్యకర్తలు అధికారులు, వీరాచారవంతులు, ప్రజలు పాల్గొన్నారు