2024 ఎన్నికల్లో రాక్షసులతో యుద్ధం చేశాం..!

2024 ఎన్నికల్లో మాచర్ల రాక్షసులతో యుద్ధం చేశామని టీడీపీ సీనియర్ దళిత నేత, రాష్ట్ర ఎస్సీ కార్పోరేషన్ డైరెక్టర్ సాతులూరి కుమార్ గుర్తు చేశారు. మాచర్ల పట్టణం, మానుకొండ కళ్యాణ మండపంలో జరిగిన నియోజకవర్గ తెలుగుదేశం పార్టీ క్లస్టర్, యూనిట్, బూత్ ఇంచార్జ్, మండల, గ్రామ కమిటీల ప్రమాణస్వీకారోత్సవంలో ఆయన పాల్గొని మాట్లాడారు. పార్టీ శ్రేణులను ఎమ్మెల్యే బ్రహ్మానందరెడ్డి బహుబలి మాదిరిగా ముందుకు నడిపించి.., మాచర్ల నియోజకవర్గంలో నెలకొన్న చీకటిని పారద్రోలారని వివరించారు. మాచర్లకు ఎమ్మెల్యేగా బ్రహ్మానందరెడ్డి ఉన్నంతా కాలం.. ప్రజలకు స్వేచ్ఛా.., ప్రాంతాలకు అభివృద్ది..,బడుగుబలహీన వర్గాలకు సంక్షేమం ఒక ప్రశాంతమైన వాతావరణంలో అందుతోందని కుమార్ వెల్లడించారు.