జెండా మోసిన ప్రతి కార్యకర్తకు అండగా ఉంటామని గురజాల శాసన సభ్యులు యరపతినేని శ్రీనివాసరావు అన్నారు.
నియోజకవర్గ పరిధిలో వివిధ రూపాల్లో రోడ్డు ప్రమాదానికి గురై, రూ. 100 సభ్యత్వం తీసుకున్న 8 మంది టీడీపీ కార్యకర్తల కుటుంబ సభ్యులకు బీమా నగదు రూ. 5 లక్షలు చొప్పున మొత్తం రూ. 40 లక్షలను యరపతినేని అందజేశారు. ఈ సందర్భంగా ఆయన మాట్లాడుతూ.., పార్టీ జాతీయ ప్రధాన కార్యదర్శి, విద్యాశాఖ మంత్రి నారా లోకేష్ ఆలోచన నుంచి పుట్టుకొచ్చిన కార్యకర్తల సభ్యత్వ బీమా ఎన్నో కుటుంబాలకు ఆర్దిక ఆసరాగా నిలుస్తోందని వివరించారు.