ప్రజారోగ్యం పట్ల నిర్లక్ష్యం వదిలి అప్రమత్తంగా ఉండాలని గురజాల శాసన సభ్యులు యరపతినేని శ్రీనివాసరావు వైద్య సిబ్బందికి సూచించారు. శనివారం పిడుగురాళ్ల పట్టణంలోని లెనిన్ నగర్ స్థూపం వద్దనున్న అర్బన్ పీ.హెచ్.సీ ని ఎమ్మెల్యే యరపతినేని శ్రీనివాసరావు ఆకస్మికంగా తనిఖీ చేవారు. ఆరోగ్య కేంద్రంలో ప్రాథమికంగా అందుబాటులో ఉన్న వైద్య సేవలను అడిగి తెలుసుకున్నారు. రోగులను పరామర్శించి, అందుతున్న చికిత్స గురించి ఆరా తీశారు. ప్రజారోగ్యం విషయంలో నిర్లక్ష్యం తగదని పనిచేస్తున్న సిబ్బందికి యరపతినేని సూచించారు. ఈ సందర్భంగా ఆయన మాట్లాడుతూ.., సీజనల్ వ్యాధులు విజృంభిస్తున్న నేపధ్యంలో ఆసుపత్రిలో అందుతున్న వైద్య సేవలను ఆరా తీయడం జరిగిందన్నారు.
వైద్య సిబ్బంది ముందస్తు చర్యలు తీసుకుని ప్రజలకు మెరుగైనా వైద్యసేవలు, అవగాన కార్యక్రమాలు చేపట్టాలని ఆదేశించినట్లు పేర్కొన్నారు. ఈ కార్యక్రమంలో పలువురు కూటమి పార్టీల నాయకులు, కార్యకర్తలు పాల్గొన్నారు.