పేదోడి పెన్నిధి సీఎం సహాయ నిధి అని మాజీ మంత్రివర్యులు, సత్తెనపల్లి ఎమ్మెల్యే కన్నా లక్ష్మీనారాయణ అన్నారు. మంగళవారం సత్తెనపల్లి పట్టణంలోని రఘురామ్ నగర్ ప్రజా వేదిక నందు నియోజకవర్గంలోని 23 మంది లబ్దిదారులకు రూ. 14 లక్షల, 64 వేల 50 విలువైన నగదు చెక్కులను ఆయన చేతుల మీదిగా అందజేశారు. ఈ సందర్భంగా ఆయన మాట్లాడుతూ.. కార్పొరేట్ స్థాయిలో వైద్యం పొందలేని ప్రతి బాధితునికి ముఖ్యమంత్రి సహాయ నిధి అండగా నిలుస్తుందన్నారు.
ముఖ్యమంత్రి చంద్రబాబు నేతృత్వంలో కూటమి ప్రభుత్వం వైద్యారోగ్యానికి పెద్దపీట వేస్తోందని చెప్పారు. ఈ కార్యక్రమంలో నియోజకవర్గ స్ధాయి ప్రజా ప్రతినిధులు, కూటమి పార్టీల నాయకులు, కార్యకర్తలు పాల్గొన్నారు.