ఏ రాజకీయ పార్టీలోనైనా ఒక సాధారణ కార్యకర్త సీఎం అవుతాడంటే ఎవరు నమ్మరు..! కానీ ఇది తెలుగుదేశంలో కార్యకర్తకు సుసాధ్యం..!! చిన్న కార్యకర్తగా రాజకీయం మొదలు పెట్టి, అహర్నిశలు శ్రమించిన వారికి అవకాశాలు వెతుకుంటూ వస్తాయి. అదే తెలంగాణలో ముఖ్యమంత్రులుగా దేశ ముఖ చిత్రంపై విరాజిల్లుతున్న మాజీ సీఎం కేసీఆర్, ప్రస్తుత సీఎం రేవంత్ అని పార్టీ సీనియర్ నాయకులు, టీడీపీ రాష్ట్ర కార్యదర్శి కళ్లం రామాంజి రెడ్డి ఉదహరించారు. మాచర్ల పట్టణం, మానుకొండ కళ్యాణ మండపంలో జరిగిన నియోజకవర్గ తెలుగుదేశం పార్టీ క్లస్టర్, యూనిట్, బూత్ ఇంచార్జ్, మండల, గ్రామ కమిటీల ప్రమాణస్వీకారోత్సవంలో ఆయన పాల్గొని, చేసిన ప్రసంగం శ్రేణుల్లో నూతన ఉత్సాహాన్ని తెచ్చిపెట్టింది.
మన ఎమ్మెల్యే జూలకంటి బ్రహ్మానందరెడ్డి సారథ్యంలోఇదే వేదిక పంచుకున్న నాయకులందరూ సామాన్య కార్యకర్తగా గ్రామ, పట్టణాల్లో వారి ప్రస్ధానాన్ని మొదలుపెట్టిన వారేనని.., పదవులు అలంకారలా కాకుండా వచ్చే లోకల్ ఎన్నికల్లో నూతన ఉత్తేజంతో టీడీపీ గెలుపుకు పాటుపడాలని ఆయన కోరారు.