మాచర్ల నియోజకవర్గంలో కొలువుదీరిన చారిత్రాత్మక సంపద పల్నాడుకే గర్వకారణమని ఎమ్మెల్యే జూలకంటి బ్రహ్మానందరెడ్డి పేర్కొన్నారు. రెంటచింతల మండల పరిధిలోని సత్రశాలలో వేంచేసియున్న శ్రీ గంగాభ్రమరాంబ సమేత శ్రీ మల్లికార్జునస్వామి వారి దేవస్ధాన అభివృద్ధికి ఎండోమెంట్ ఇంజనీరింగ్ విభాగం అధికారులతో ఆయన సమీక్షించారు. త్రేతాయుగం నాటి అతి ప్రాచీన సత్రశాల శివాలయాన్ని పరిరక్షించుకోవడం మన బాధ్యత అని ఎమ్మెల్యే జూలకంటి వివరించారు. ఆలయంలో వాస్తు దోషాలు, ప్రాంగణంలోని పలు ఉపాలయాలన్నీ శిథిలావస్థకు చేరుకున్నాయని, వాటన్నీంటిని పునరుద్దరించాలన్నారు. సీఎం చంద్రబాబు, దేవాదాయ శాఖ మంత్రి ఆనం రామనారాయణ రెడ్డి ఆదేశాల మేరకు ఎండోమెంట్ ఇంజనీరింగ్ అధికారులను సత్రశాలకు వచ్చారని, త్వరలో నివేదికలు తయారు చేసి, ప్రభుత్వానికి పంపుతామన్నారు. ఈ కార్యక్రమంలో ఎండోమెంట్ ఇంజనీరింగ్ విభాగం డీఈ శ్రీనివాస్, స్తపతి శ్రీనివాసరావు, ఏఈ జగదీశ్, రాష్ట్ర వడ్డెర కార్పోరేషన్ డైరెక్టర్ కొమెర దుర్గారావు, రాష్ట్ర టీడీపీ కార్యదర్శి పంగులూరి అంజయ్య, మండల పార్టీ అధ్యక్షులు అబ్బిరెడ్డి, పార్టీ సీనియర్ నాయకులు గోగుల వెంకటరామిరెడ్డి, సుమంత్ రెడ్డి, ప్రభురాజు, రామకృష్ణ తదితరులు పాల్గొన్నారు.