ఆధునిక హంగులతో మాచర్ల పట్టణ పోలీస్ స్టేషన్ నిర్మాణ పనులకు ప్రతిపాదనలు సిద్ధం చేసి, ప్రభుత్వానికి పంపుతున్నట్లు మాచర్ల శాసన సభ్యులు జూలకంటి బ్రహ్మానందరెడ్డి పేర్కొన్నారు పట్టణ పోలీస్ స్టేషన్ సందర్శించిన ఆయన… అక్కడున్న భవనాల ఫిట్ నెస్ ను పరిశీలించారు. పైకప్పు, గోడల క్రాక్ లను పరిశీలించి, సిబ్బంది, కక్షిదారులు పడుతున్న ఇబ్బందులను సీఐ వెంకటరమణ ను అడిగి తెలుసుకున్నారు. ఈ సందర్భంగా ఆయన మాట్లాడుతూ.. మారుతున్న కాలానుగుణంగా అధునాతన సాంకేతిక పరిజ్ఞానంతో మోడరన్ పోలీస్ స్టేషన్ అందుబాటులోకి రావాల్సిన ఆవశ్యకత ఉందన్నారు. ప్రభుత్వానికి ప్రతిపాదనలు పంపనున్నట్లు వెల్లడించారు. ఈ కార్యక్రమంలో రాష్ట్ర వడ్డెర కార్పొరేషన్ డైరెక్టర్ కొమెర దుర్గారావు, మున్సిపల్ చైర్మన్ మదార్ సాహెబ్, మార్కెట్ యార్డ్ మాజీ చైర్మన్ యాగంటి మల్లికార్జునరావు, వజ్రం నాయక్ కొమెర అనంత రాములు తదితరులు పాల్గొన్నారు