తెలుగుదేశం పార్టీలో సంస్ధాగతంగా పదవులు తీసుకున్న మాచర్ల నియోజకవర్గ శ్రేణులంతా పార్టీ గెలుపు కోసం నిరంతరం పాటుపడాలని టీడీపీ సీనియర్ నాయకులు యెనుముల కేశవరెడ్డి అన్నారు. మాచర్ల పట్టణం, మానుకొండ కళ్యాణ మండపంలో నియోజకవర్గ తెలుగుదేశం పార్టీ క్లస్టర్, యూనిట్, బూత్ ఇంచార్జ్, మండల, గ్రామ కమిటీల ప్రమాణస్వీకారోత్సవం ఎంతో ఘనంగా జరిగింది.
ఈ కార్యక్రమంలో ఆయన మాట్లాడుతూ.. రానున్న లోకల్ ఎన్నికల్లో గెలుపు వార్ వన్ సైడ్ గా ఉండేలా పార్టీ బలాన్ని చాటాలన్నారు. కూటమి ప్రభుత్వం అమలు చేస్తున్న సంక్షేమాన్ని, అందిస్తున్న అభివృద్ధిని ప్రజల్లోకి తీసుకెళ్లి.., పార్టీని సుస్తిరపరచాలని కోరారు.