వరికపూడిశెల సెంటిమెంట్ ప్రతిసారి వర్కౌట్ అవ్వదు పిన్నెల్లి అని మాచర్ల మాజీ ఎమ్మెల్యేను ఉద్దేశించి టీడీపీ సీనియర్ నాయకులు, రాష్ట్ర కార్యదర్శి కళ్లం రామాంజిరెడ్డి ఎద్దేవా చేశారు. వరికపూడిశెల నిర్మించకుంటే రాజకీయ సన్యాసం అన్నావ్.. మరి ఎప్పుడు తీసుకుంటున్నావ్? అని ఆయన ప్రశ్నించారు. ఐదు ప్రొక్లైనర్స్ తో మీరు చేసిన డ్రామాలు ఆర్థమైయ్యాయి కాబట్టే.., నియోజకవర్గ ప్రజలు మిమ్మిల్ని, మీ నాయకత్వాన్ని విసర్జించారని విమర్శించారు. భూటకపు కాలువలు తవ్వి మాయ చేయాలని చూసినా మిమ్మల్ని .. ప్రజలు టెక్నాలజీని వాడి మోసాన్ని తిప్పికొట్టారని వివరించారు.