దేశ రాజధాని ఢిల్లీ ఎర్రకోట సమీపంలో ఉగ్ర మూకలు జరిపిన భారీ బాంబ్ పేలుళ్లను మాచర్ల శాసన సభ్యులు జూలకంటి బ్రహ్మానందరెడ్డి మంగళవారం ఖండించారు. ఈ నరమేధానికి పాల్పడి ఏ ఒక్కడిని భారత ప్రభుత్వం క్షమించదని, దీని వెనుక ఎవరున్నా అంతకు అంత ప్రతీకారం తీర్చుకునే వరకు ప్రదాని మోదీ నిద్రపోరని ఆయన స్పష్టం చేశారు. ఉగ్రవాదాన్ని అరికట్టడానికి ప్రదాని మోదీ ఏ నిర్ణయం తీసుకున్నా.., యావత్తు దేశం వెంట నడుస్తోందన్నారు. ఈ ఘాతుకంలో అసువులుబాసిన అమాయక ప్రజలకు ఈ సందర్భంగా ఆయన నివాళులర్పించి, ప్రగాఢ సానుభూతిని తెలియజేశారు.