పల్నాడు జిల్లా అంటే ప్యాక్షన్ జిల్లా కాదని సాంస్కృతిక జిల్లా అని ఎమ్మెల్యే జూలకంటి స్పష్టం చేశారు. ముఖ్యమంత్రి చంద్రబాబు నేతృత్వంలో పల్నాడు ప్రాచీన వైభవం పునర్నిర్మాణానికి అడుగులు పడుతున్నాయని వివరించారు. వీర్ల దేవాలయం, మాచర్ల చెన్నకేశవ స్వామి ఆలయం అభివృద్ధికి కూటమి ప్రభుత్వం ప్రణాళికలు సిద్ధం చేస్తుందని వెల్లడించారు. నియోజకవర్గం జల్ జీవన్ మిషన్, వరికపూడిశెలకు అనుమతులు, నిధులు, సాగర్ పర్యాటక అభివృద్ధికి, అమృత స్కీం కింద నిధులు కేటాయింపులో కృషిచేసిన ఎంపీ లావుకు ఈ సందర్భంగా ఎమ్మెల్యే కృతజ్ఞతలు తెలిపారు.