రాక్షస పాలనను అంతమొందించి.., రామరాజ్యం స్థాపనకు రాముడిలాంటి ముఖ్యమంత్రి చంద్రబాబు నాయుడి వెంట ఆంజనేయుడిలా నడిచి డిప్యూటీ సీఎం పవన్ కళ్యాణ్ ఎంతో కీలక పాత్ర పోషించారని మాచర్ల మార్కెట్ యార్డ్ మాజీ చైర్మన్ యాగంటి మల్లికార్జునరావు పేర్కొన్నారు.దుర్గి మండలం, ధర్మవరం హరిహర బాలనాగేంధ్రస్వామి వారి తిరునాళ్ల మహోత్సవంలో ముఖ్య అతిధిగా పాల్గొన్న ఎంపీ లావు శ్రీకృష్ణదేవరాయలతో కలిసి ఆయన, ఎడ్ల బండలాగు బల ప్రదర్శనలో పాల్గొన్నారు. ఈ సందర్భంగా 13 గ్రామాలను కలుపుకుపోయే బైపాస్ రోడ్డు నిర్మాణం చేస్తే రవాణ సౌకర్యం మరింత మెరుగుపడుతోందని ఎంపీ లావుకు యాగంటి విన్నవించారు. వనర సైన్యంలా మారి, వైసీపీ ముష్కర మూకలను రాష్ట్రం నుంచి తరిమికొట్టడంలో ప్రముఖ పాత్ర పోషించిన జనసైనికులు అందరికీ కూటమి ప్రభుత్వం సముచిత స్ధానం కల్పిస్తోందని చెప్పారు. ఈ కార్యక్రమంలో రాష్ట్ర ఎస్సీ కమిషన్ మెంబర్ మేకల భిక్షం దాస్, తెలుగుదేశం పార్టీ సీనియర్ నాయకులు పంగులూరి అంజయ్య, రాష్ట్ర తెలుగు యువత ఆర్గనైజింగ్ సెక్రటరీ కుర్రి శివారెడ్డి, జనసేన నాయకులు పులి హరి, సుబ్బారావు తదితరులు పాల్గొన్నారు.